محمد وميثه.<الجزء الاول>
السلام عليكم
>ها هو الفجر ينسج اول خيوطه وانا اطل براسي من البلكونه اناظر السما
>بلونها الرهيب والجو الحلو، واحس بملل فظيع,مليت من التلفزيون ومن
>المسجل مالي غير النت يلله بحدر بخوز هضيجه والملل الي فيه, امري لله
>بحدر، شوه ها كله زحمه ونا بروحي فيه ظيجه، يلله خلني اخورط عليهم كلهم
>شوه يعني خخخخخخ..
>الرحال: مرحبا
>عيناويه حتى النخاع: مرحبا مليون.
>الرحال: عادي اسولف وياج
>عيناويه حتى النخاع: عادي ليش لا
>ويلست تسولف وياه لين ماطلعت الشمس ، عقب اذكرت انه وراها كليه ...
>خيبه ورايه كليه بظهر ......
>عيناويه حتى النخاع : سوري الرحال انا بظهر لانه ورايه كليه ..
>الرحال: تعالي انزين وين بتسيرين على الاقل عطيني ايميلج اخاف اني
>ماشوفج في الشات لاني ماحدر دووم وصدقيني مابزعج والله اني ارتحتلج يا
>شمه لانج ذكرتيني بلمرحومه امي اسمها شرات اسمج .. وذا يا يوم ازعجتج
>حذفيني...
>يحليله والله غمضني قلبي عورني يلله بعطيه هو الا ايميل مابيستوي
>شي............
>عيناويه حتى النخاع: هذا ايميلي silent_love@************ واسمحلي
>الحينه لاني بظهر لانه والله ورايه دووام .....
>وسارت الكليه وبتموت من الرقاد ويوم خلص الدوام ردت البيت ورقدت لين
>الفليل ... ويوم وعت طبعا على طول على النت لانها تعرف انه حد يترياها
>, وتفتح المسنجر والا تشوف الرحال يترياها ...
>الرحال: مرحبا غناتي ..
>عيناويه حتى النخاع: هب هباك الرب عنبوه مره وحده غناتك..خخخخخ
>الرحال: تخيلي غناتي اجذب عليج لو قتلج اني ماترياج انا هنه من الساعه
>6 المغرب ونتي وين كنتي ، مليت ونا اترياج..
>عيناويه حتى النخاع: سوري والله يا... ماقتلي اسمك بس انا ييت من
>الكليه ورقدت ..
>الرحال: ماعذرج اكيد كنتي تعبانه هيه ..احم احم ..اسميه محمد. وانتي؟؟
>عيناويه حتى النخاع: اسميه ميثه ..
>محمد: عاشت الاسامي ميثانه...
>ميثه: عاشت ايامك ... من وين انته ؟؟
>محمد: من العين .. ونتي فديتج..
>ميثه: من العين بعد..
>محمد : يلله شوه هصدفه الحلوه واحلى صدفه ..
>ميثه : والله ... المهم انا بظهر الحينه لانه ورايه دوام ومابا اسهر..
>محمد: اوكي يلغلا الله الله في عمرج ...
>وطافت الايام وكل يوم على هلحال ميثه ومحمد على النت كل يوم .......
>ويا اسبوع مادش فيه محمد النت بقت تتخبل ميثه ويلست اتحاتي شوه استواله
>الولد.....وعقب اسبوع حدر ...
>ميثه: محمد انته وين انا احاتييك من كم يوم ماحدرت ولا طرشتلي ايميل
>اتخبرني انك مابتحدر...
>محمد : سوري انا كنت مريض ... وطايح في المستشفى ..
>ميثه: سلامات ماتشوف شر ..
>محمد: الله يسلمج غناتي..وبصراحه ياميثه انا قررت اودر النت عندي
>ظروف..
>ميثه: لا دخيلك محمد انا تعودت عليك تعودت اني اسولف وياك دووم لا
>تخليني دخيلك...
>محمد: ياميثه ابويه قالي اقطع النت ونا مابى ازعل ابويه مني ..ميثه ها
>رقميه ....... اذا بدقين فمان الله ..
>يالله ليش ظهر ها ماعطاني مجال ارمس ...مستحيل ادقله .... برقد احسن
>لي وبعين من الله خير... وطافت الايام وهي ودها ادق بس متردده...اف شوه
>هطفره ولوعت الجبد .. خلني اجرب واتصل شوه بخسر يعني ... وخذت الرقم
>ودقت ...
>ميثه: الو....مرحبا..
>محمد: مرحبتين حيالله هصوت وراعيته.. مابقيتي ادقين ..
>ميثه تمت ساكته مستحيه: ممممم شوه اسوي.
>محمد : ولا شي فديتج اهم شي انج دقيتي مع انج وعيتيني من رقادي بس يلله
>.. استانست ..
>ميثه: سوري والله وعيتك من رقادك جان يتكسر ويهي ...
>محمد: لا غناتي بلعكس استانست ..
>ميثه: المهم مابطول يلله كمل رقادك ونا بعد برقد..
>محمد: لا انا ابا ارقد على صوتج حبيبتي..
>ميثه : مره وحده حبيبتك...
>محمد: اكيد حبيبتي وحياتي ..
>طافت الايام وتعمقت علاقتهم اكثر وصاروا مايستغنون عن بعض.. وطلب منها
>انهم يتشاوفون.. وكان الموعد..واحلى يوم في حياتهم..
>محمد: فديت هلويه ياربي كنت محطي في بالي انج حلوه بس مب في هلجمال
>ماشاء الله عليج حياتي..
>ميثه وهي مستحيه : بس عاد والله استحي .. وكل واحد يطالع عين الثاني
>ومر الوقت ولا حسوا به ...ورد كل واحد بيته وهو يفكر في الثاني ...
>ميثه: حياتي محمد ماتخيل حياتي بدونك ..
>محمد : حتى انا عمري...
>ومرت الايام والشهور وكل يوم يزيد حبهم بس عقولتهم تاتي الرياح بما
>لاتشتهي السفن ..ابو محمد قرر انه ايوزه بنت عمه.. .. الوحيده...
>الابو: يا محمد تبا تكسر رمستيه وتحط راسي في الارض انته لبنت عمك من
>صغرك..
>محمد: يابويه انا مادانيها وماباها .. مابتغصبني عليها ..
>الابو: بتنزل راسي في الارض يامحمد..
>طلع محمد من البيت وهو معصب واتصل بميثه: ميثوه حياتي مضايج واحس عمري
>بموت ابويه يبا يغصبني على بنت عميه وانا ماباها ، اباج انتي غناتي ...
>والله اباج ويصيييح..
>ميثه : غناتي حمود انا بعد اباك لا تصيح قلبي يعورني حياتي اكيد فيه حل
>...
>محمد: عيوني ابويه ميبس راسه والله بذبح عمريه ..
>ميثه: حبيبي ونا لمنوه تخليني..حبيبي عن هرمسه وسير عند معرف جبيلتكم
>وقوله هلسالفه ..
>محمد: هيه والله فكره ...
>ودخل محمد على معرف الجبيله وقاله السالفه ....ووعده المعرف خير .....
>بس للاسف ماقدر على ابوه الي راسه يابس مايلينه شي... مسكين محمد ..
>حالته ماتسر عدو ولا حبيب...ومسكينه ميثه ضايجه عشان حبيبها...
>ميثه: محمد حبيبي لا تعب عمرك جيه حبيبي طاوع ابوك وادري انك تحبني ..
>محمد: ميثوه لو اموت ماخذ حد غيرج.. ويصيح...
>ميثه: عمري لا تسوي جيه والله انا بموت بسك عمري...وتصيح هيه
>بعد.......
محمد: أوعدك وعد رجال مايرد كلمته مااخذ غيرك لو يقتلوني
وانت بعد توعديني انك تكون لي وما ياخذك مني الا الموت
ميثه : وعد وعد وعد
محمد : أنا رجال وعند كلمتي وصدقيني مابتراجع ابد
ميثه :.........................
محمد .........................
,,,,,,,,,....مانعرف بعدين وش صار
هل أعجبتكم القصه ..؟؟؟؟؟؟
أنا أدرجت هذه القصه لرد على موضوع كتبه الربيعي
حول ايجابيات وسلبيات الإنترنت ؟
والبعض عارض حول الموضوع
ومن هذه القصه أطلب من الجميع الإجابه:
س1 /هل لهذه القصه أثر في نفوس القارئين وماهو الأثر ؟
س2 /ماذا استنتجت من خلال القصه ؟
س3/هل الإنترنت من خلال هذه القصه ايجابي ام سلبي ؟ وضح اجابتك ؟
س4/هذه القصه حقيقية ولاكن من المحق فيها ومن المخطئ ؟؟؟
تقبلو مروري / مخلصكم شوشو
