انزال -بالمصري

موضوع: انزال -بالمصري 28/5/2010, 1:51 pm

خلاصة الكلام يا جماعة...إن المركب بتتزحلق

و لها زحاليق مخصوصة بيزحلقوها بها (مش أى زحاليق طبعا )

و يوم زحلقة المركب بيبقى يوم عيييد...
و الناس كلها تتجمع وتشوف و صاحب المركب ييجى و الناس الكبارة بقى و هيصة...

أمال...هوا كل يوم بنزحلق مركب

طب إزاى و فين وليه؟
...هوا ده موضوعنا

طب صلوا على النبى (عليه الصلاة و السلام)

المركب بتتبنى فى مكان بيسموه ترسانه (Shipyard)

و جوة الترسانة بتتبنى فى حاجة من الأتنين :

1- حوض (سواء كان حوض عائم أو جاف)

2- قزق (Slipway) (أو زحاليق زى ما سميناها) :

* ألواح و عيدان المراكب بتتقطع و بتتلحم و بتتظبط و فى الآخر بتتركب علشان تكون بلوكات المركب (بلوكات يعنى المركب بس متقسمة حتت)

تكبير الصورة تصغير الصورة

* و بعدين بيودوهم على القزق علشان يتجمعوا

تكبير الصورة تصغير الصورة

تكبير الصورة تصغير الصورة

* المركب بتكون محطوطة على عجل...و ده اللى بيخليهم يقدروا يحركوها من مكان للتانى

* و ممكن أكتر من مركب يكونوا فى نفس الترسانة فى نفس الوقت

* بالنسبة للزحلقة ففى طريقتين:

1- بالطول :

و فيها المركب بتنزل بضهرها (بمبدأ إدى ضهرك للترعة على رأى العالم الشهير محمود رضا)

2- بالعرض :

بتكون واقفة على الحرف و بعدين يسبوها تنزل و تعمل تششششششش كبيرة

تكبير الصورة تصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

و ده طبعا له حسابات كتير علشان تتأكد من سلامة المركب و هيا نازلة على الزحليقة

بيزحلقوا مركب جديدة فى البحرية الأمريكية ...و حصلت لخبطة فى الحسابات

و يا دوب يقولوا سيرى يا نورومااااااندى

و تششششششششششششششششششش

المفروض التششششششش اللى بتحصل تحصل من ناحية البحر و بس....مش من الناحية اللى واقفين فيها الناس

لكن فى حالتنا دى حصلت فى الناحيتين
و بالتالى الناس كلها إتغرقت......و كان فيهم جنرالات و ناس جامدة

و بس كدة...دى قصة المركب و الزحاليق

صدق اللى قال....عالم زحاليق صحيح

عايز تعليقات على الفيديو و الكلام و الصور و كل حاجة

ماحدش يدخل يتفرج و يطلع من سكات

xxxxxxxxxxxxxxxxxx قام المشرف ب الحذف

((((منقوووول للفائده ه ه ه ه ه ه - منقووووول للفائده ه ه ه ه ه ه ))))

موضوع: رد: انزال -بالمصري 28/5/2010, 2:38 pm

بارك الله فيك اخوي الوحيد موضوع رائع وشرح جميل شكرآ " لنقل "

موضوع: رد: انزال -بالمصري 19/6/2010, 1:57 pm

ثانكس الشيخ
مشكور لمرورك

موضوع: رد: انزال -بالمصري 21/6/2010, 6:22 pm

مشكور أخي